31 қазан күні «Парасат» ақпараттық білім беру орталығында дәстүрлі «Кітапхана түні-2023» іс-шарасы өтті. Кешіміздің арнайы қонақтары – БҚО тарихи-өлкетану музейінің ғылыми хатшысы, «DANA» орталығының басшысы Жантас Сафуллин мен блогер, саяхатшы Темірлан Мұқашев болды. Алдымен сөз алған университеттің тәрбие және әлеуметтік жұмыстар жөніндегі проректоры Ақылбек Ұзақбайұлы Сұлтанов бұл дәстүрлі іс-шара білім ордасының 60 жылдығымен тұспа-тұс өтіп жатқанын айтып, жастарды белсене қатысуға шақырды. Кеш қонақтарымен кездесулер ұйымдастырылып, оқытушылар мен білім алушылар коворкинг орталығында өлкетанушы Жантас Нәбиоллаұлының тарихи-танымдық әңгімелерін тыңдаса, орталықтың келесі залында саяхатшы Темірлан Мұқашевтың қызықты сапарларынан хабардар болды. Кеш барысында «Laysan», «Sunshine» студиялар шеберлік сағатымен, үстел және квест ойындарымен, «Book&Сafe», «Bubble Battle», «Жүзден жүйрік, мыңнан тұлпар» зияткерлік ойынымен жалғасты. Қатысушылар түрлі танымдық сұрақтарға жауап беріп, сыйлықтар иеленді.
![](https://elib.wkau.kz/wp-content/uploads/2023/11/10-1024x683.jpg)
![](https://elib.wkau.kz/wp-content/uploads/2023/11/9-1024x683.jpg)
![](https://elib.wkau.kz/wp-content/uploads/2023/11/8-768x1024.jpg)
![](https://elib.wkau.kz/wp-content/uploads/2023/11/7-1024x683.jpg)
![](https://elib.wkau.kz/wp-content/uploads/2023/11/6-1024x683.jpg)
![](https://elib.wkau.kz/wp-content/uploads/2023/11/5-1024x577.jpg)
![](https://elib.wkau.kz/wp-content/uploads/2023/11/4-1024x683.jpg)
![](https://elib.wkau.kz/wp-content/uploads/2023/11/3-1024x683.jpg)
![](https://elib.wkau.kz/wp-content/uploads/2023/11/2-1024x683.jpg)
![](https://elib.wkau.kz/wp-content/uploads/2023/11/1-1024x683.jpg)